Saturday, November 01, 2008

سكوت


في وسط سكوت...
ما بين الليل...
و لما الشجر بيحاول يطلع صوت
و ايدين تمد و تقفل الشبابيك
تداري جوه منها قلوب بتموت
و يمشي هو وسط طريق...
ماليه الضيق...
في وسط سكوت
و وسط الليل
يجيه و جه طفل برئ
ببسمة حلوة و قلب مضئ
ويمسح دمعته في سكوت
و وسط الليل
في عز الصمت
تلاقي ناس بتكتب حروف من نور
عينيهاتصحى لما الصباح بيفوت
و يلقى الطفل من تاني
و يجري عليه و يندهله
و مع إنه ساير على مهله ما يلحقهوش
و يمشي تاني في وسط الليل
تطارده و حوش
يطارده الوقت لما الناس كانوا ما بيحسوش
و ينده اسمه من تاني
يجيلو بس صوت الصوت
و يرجع تاني يعيش في سكوت
كانه لسة زي زمان
يا عيني بين الحياة و الموت