عدَّى النهار و المغربية وراه
و عشان نشوف الفجر من بعديها
هنعدِّي بحور من المأساة
هنشوف حاجات متانقضة بين بعضيها
و صوت قلوبنا مش ناسياه
و عشان نشوف الفجر جوه عنينا
هندوس في ضلمة و موت و حياة
و دموع حزينة بسمتنا بتخبيها
و قلوب كتير و ألف واحد تاه
عدَّى النهار واخد معاه الأشواق
سايب حنين و دمع ميت مشتاق
و صوتنا ينده... مايسمعهوش
عدَّى النهار واخد سكاتنا معاه
في المغربية لون حريقة بيترسم
عالمشربية و زخرفتها بتبتسم
بيقوللنا عالليل و جرحه
و إزاي في حزنه متداري فرحه
و إزاي في حضنه بنلاقي شوقنا
و إزاي قلوبنا بتستناه
و ييجي تاني نفس النهار
ما بين ألوان شعاع النار
و تيجي بعده المغربية
و تاني ندور كلنا وياه
