Thursday, August 23, 2007

إلى مُغترب


إزيك.. إنت فين

واحشني.

بعيد بقالك قد إيه..

و لا لحظة مفارقني.

بعيد عن عيني و قلبي معاك

كإني شايفك.. كإنك شايفني

مشيت و معاك الذكريات

حكاوي اللي راح و كل اللي فات

فاكر أيام زمان؟

أيام الصبا و الجنان..

فاكر أيام الشباب

و لِعب الكورة على التراب

فاكر جنينة الفردوس؟

حتة من جنة ذكرياتنا..

و فيها زادنا..

و فيها عيشة للنفوس.

فاكر حكاوينا..

لسة عايشة فينا

لسة بتفتكرنا

لسة بتحيينا.

إنت فينك من سنين؟

كلي ليك شوق و حنين

سايبني وسط الناس غريب

من غير حبيب..

من غير طبيب يداوي الجروح

هوّ كان يعني لازم تروح؟

كان لازم تشُق في الغربة طريق؟

كان لازم تسبني من غير أي شئ؟

و لكن مسامحك.

و من غير ما صارحك بقوللك:

العيب مش عليك.

العيب عاللي ده إسمه زمن.

على دي دوامة عايشة فينا.

بتاخدنا و تودينا..

و تفرقنا من غير تمن.

و أملي إن صبري..

يكون زي صبرك.. قوي و شديد.

ده قلبك من قوته شَق الحديد

و ف غربتك رسمت لينا طريق

طريق فيه معنى الرجولة..

فيه مشاهد من بطولة..

و ف أخره النصر جَي أكيد.

6 comments:

AHMED REDA said...

7elwa ya anas as an idea but as a poem i believe u can do better than that ya aones.

أندلس said...

حلوة جدا جدا
ومكتوبة حلو جدا
حمدا الله على السلامة يا أنس
بقالك كتير ما نزلتش حاجة

Anonymous said...

wallahi ana mesh 3aref 2a2ol eh bs fe3ln ya3nii kol ma 2a2raha bakon 7a3yt 5alas fe3ln lama el kalemat betetl3 men el 2alb beyb2a leeha ta3m tany 5ales.
we as2l allah an yodeem 3alyna fadlho we so7btkom fii el donya we al a5er in sha2 allah...

almohandes al sa3'eer

أنس بن أيمن said...

SA. ya Handasa ana 3neya leek... W erga3lena bessalama ba2a

IG_Man said...

"العيب مش عليك.

العيب عاللي ده إسمه زمن."

لا يجوز سب الدهر أو التحقير منه لأن الله سبحانه وتعالى قال : يؤذيني ابن آدم يسب الدهر وأنا الدهر بيدي الأمر أقلب الليل والنهار ..... ومعنى هذا أنا صاحب الدهر ومدبر الأمور التي ينسبونها إلى الدهر فمن سب الدهر من أجل أنه فاعل هذه الأمور عاد سبه إلى ربه الذي هو فاعلها ، وإنما الدهر زمان جعل ظرفا لمواقع الأمور ..


بخنق عليك مش كده يا أنوووسي

أنس بن أيمن said...

SA. Jazaka Allahu Khairan