لسة الورود متفتحة و فيها لون
لسة فيه رمش و جفون
لسة فيه صوت النسيم
لسة فيه إحساس عظيم
لسة فيه حاجات
و ذكريات من اللي فات
لسة فيه حكايات
لسة فيه شمس و قمر
لسة المطر
لسة الناس قلوبها حلوة
لسة غنوة
لسة صوت الديك بيدّن
و حاجات كتيرة حلوة جداً
لسة فيه حياة
و صوت قلوبنا سامعاه
بيقولّنا على بكرة جَي
لسة فيه ضَي
و يقولنا بصوت بشير..
لسة الدنيا فيها خير
6 comments:
ماشاء الله يا انس المرة دي فعلا انت ابدعت,احساس عالي اوي و جميل اوي اوي, اخيرا حاجة تدعو للتفاؤل,للاشراق, بجد جزاك الله خيرا.
شكراً يا لينا.. بس كل حاجة بتدعو للتفاؤل، حتى لو لأول وهلة بيبان العكس.
جزانا و إياكم
على كده لازم كده لازم نشكر الاستاذ عيد الاضحى المبارك، هو وكل عيلته، لأنه الظاهر الاستاذ عيد الأضحى ده لما يزورنا بيخلي الأعياد تزيد عندك يا حاج أنس
كل سنة وانت بالف خير
و حضرتك بألف خير يا أستاذنا العظيم...
و عايزين نشوفك بقى
finally something delightful & full of hope..very nice :)ommy
Anous kan nefsy akteblak bel3araby laken el keebord beta3ty mush 3arfa garalha eih Ahla wahda 3agabetny gameela gidan ya habiby 3aref ya Anous lama had yekraha yehes belenbe3ag we el enshekah we yehes en eldonya fe3lan lessa feeha kheir.begad ya Anous ana enbassat awy lama aretha
Post a Comment