Friday, December 21, 2007

خسارة

يا خسارة على حاجات كتيرة

كان نفسي أقولها و ما قولتهاش

و ناس كتيرة ما كلمتهاش

يا خسارة على الأيام..

عدَّت عليّ و ما عشتهاش

و فات الأوان..

كل واحد راح لحاله

ما كان من زمان..

يا قلبي تعترف

و تقول من زمان.

تعترف بحبك أو بالأسف

فات الأوان

كان إللي كان

مات إللي مات و عاش إللي عاش

و ف قلبي عاش

كلام كتير كان نفسي أقوله

خسارة يا قلبي كان ليك تطوله..

خسارة يا قلبي كان ليك تعيش

خليك فكرها..

دموع كتيرة ما بتتنسيش

و حروف كتيرة ما قولتهاش

ما تلومش إلا نفسك

ما تلومش إلا قلبك..

خليك فاكرها و متنسهاش


5 comments:

أبو نضال said...

صحيح فى حاجات عدت
لكن فى حاجات لسة ما عدتش
حاجات وقتها خلص
و حاجات لسة وقتها ما خلصش
حروف ممكن تتقال لسة ما اتقالتش
حروف بتروح
حروف بتبوح
حروف بتضم قلوب بتحب
تدفى قلوبنا فى عز البرد
حروف تقرب القلوب
و كل قلب يضم قلوب
قولها يا قلبى ما تتكسفش
قولها و انت مكسوف
أو مبسوط
أو محرج
صدقنى بكرة تفرح
بورد الحب اللى راح يطرح!!!

أنا بقولها يا أنوس...إنى أحبك فى الله :))

Anonymous said...

you got the two very right things..the most important in relationships:showing love to whom we love & saying sorry whenever is needed..can you imagine that many relationships die only because of lacking one of the two words or even both??!!very deep ya annoos..very true..many times we never get a second chance to show love or to apologise..love you :)ommy

أنس بن أيمن said...

يا أبو نضال يا مظبطنا..

إيه يا عم خف علينا في الإبداه شوية..

عموماً جزاك الله خير.. كلامك معبر و جميل..

أنا عايزك تجمع تعليقاتك الإبداعية دي و تحطها في البلوج.. هتعمل قلبان..

يللا يا عم ما نتحرمش

أنس بن أيمن said...

شكراً يامه. كلامك درر يا ريت كل الناس (المتجوزين وإللي على وِش جواز) يسمعوه و يفهموه و يعيشو بيه.

Anonymous said...

this time i dont have a comment.... I only agree with MUM!!!

honestly, Best so far!!! Am disappointed from the unusual poor comments on this piece of art!!!

wala ya anas........ew3a tkoon bet7ashesh 3ashan t2ool elkalam dah *&%$#@!()())()((()))))))

:)