في العشق بكون مجنون
كتير باعشق بجد و جنون
و النهاردة أنا حبيت
أغرب حب ف تاريخ الكون
باعشقك من كتر كُرهي ليكي
و برغم العماص ف عنيكي
باعشقك
و باعشق كل حاجة فيكي
بتربطني بيكي علاقة غريبة
سعات بألاقيكي وِحشة
وكتير بتبقِي حبيبة
يا مصر يالي مجنناني
كل حاجة فيكي مخلياني
تايه في سجن حبك
بطريقة مبهدلاني
كل حاجة فيكي حلوة
وِحشة و برضه حلوة
صوت الزعيق و الصويت
في وداني بيبقى غنوة
ماقدَرش أعيش بيكي و من غيرك
أعيش على نقطة من نيلك
وأموت لو كَلت من خيرك
يا مصر يا كلمة فيها الكتير
شاغلة بالي عني
واخدة قلبي مني
و حطاني ف موقف خطير
بحبك يا عجوزة و يا خطيرة
مَلَاك و الساحرة الشريرة
بحبك يا غنية و يا بهية
يا جميلة و يا غبية
يا كل حاجة في الدنيا ديَّة
و محيّراني..
يا ترى هل إنت عقاب..
و لّا من ربي هدِيّة
19 comments:
la2 tab3n hdya w agml hdya
w 3la ra2y 2lly 2al
lw lam akon masryan
lwadadto an akon masryan
الفكرة حلوة لكن المستوى مش هوه اللي عودتنا عليه يا عم أنس.
محب
ماشي يا حاج بودا..
صح الكلام كدة..
إبقى قوللي لما تكتب حاجة جديدة
شكراً يا أستاذ محب.. مع إني بذلت فيها جهد حامد..
نفسي بقى تصفح عن هويتك
aaaah ya anas et3bni fl watania begad gamda ta7n
hat3rfni wla la2 yaaaad? la msh ht3rfni :D ana sedak abo el 3araby
أنا ناعرفش غير أبو العربي واحد بس...
ماشي يا عم .. حلت البركة.. و حلت المحشي
أنوس أنا فاهمة مشاعرك كويس وسعيدة بيها رغم كل شيء لكن برضه ما يمنعش إني أقولك إن فيه بعض التعبيرات صدمتني شوية أصل دي مصر يا أنوس مش أي حاجة ومش حاجة ساهلة .عارف يا أنوس إن الرسول صلي الله عليه وسلم كان بيحب مكة جدا وقد تأسي عليها كثيرا عندما تركها واصفا إياها بأحب بقاع الأرض إلي قلبه وأنه لولا أْخرج منها ما تركها ,هذا رغم محاربة أهلها له ولأصحابه بل وتعزيب أهلها الشديد لأصحابه ومحاولة قتله .ولم يخمد حبها في قلبه .لم يأخذها بفعل أهلها به وبأصحابه لأنه منها ويشعر بها في كيانه تملأه حبا وحنينا. هكذا تكون الأوطان يا حبيبي هي روح هي إنتماء هي كيان هي حب لا يؤثر فيه رغد العيش أو قلته أو صلاح هذا أو فساد ذاك أو فعل هذا أو ذاك أو أخذ حقي أو لا.
شكراً يا عمتي العزيزة من أرض الغربة..
أوافقك الراي طبعاً..
ولكن حبي للبلد بيوجب عليّ إني أبين السلبيات اللي فبها..
, كمان أنا حبي لمصر معقد، زي ما حاولت أبين في الشعر... هو إمتزاج ما بين مشاعر العشق و الشفقة و الغيرة و التقديس و الخوف و .. و حاجات كتيرة...
عموماً جزاك الله خير عالتعليق الجامد قوي
you made me laugh,very confusing & uncomprehensible feeling that most of us have...i like the last question:a punishment or a gift??!!ommy:)
7elwa ta7n el7etta deh ya Uns. enta 3aref enny ragel watany w b2addar elly y7eb elbalad deh bekol ma feeha w bra3'm el balawy elly malyaha.
i strongly agree wth "mo7eb" who complains about "mostawa" el kaseeda. it is so obvious that u did a great effort to write this one and it is reflected on the amazing words and expressions yoiu used in this one. ana shayef en mostwaha a3la bkteeer mn 7agat tanya w en mostawak fe3lan beyt2addem.
i like this one veeeeeeeeery much and consider on of the BEST.
A7eb wa6aneyyetak w ada2ak
شكراً يا طيف..
متهيألي دي أول مرة ماترخمش في التعليق..
قشطة عليك
anas .. eh el gamal da ya wad .. my first time here and I Zink en el Blog TNEEEN , specially this last one ..7elwa awi
:)
شكراً يا حماد..
البلوج نوّر.
إنت فين يا عم... عايز أشوفك طحن...
سلامات يا حبي
بحبك يا بهية
و معلش...استحملى منى شوية
اكمن مشاعرى
غريبة
كتيرة
و كمان مستخبية
***
بحبك
رغم إنى منك بتخنق
و فى شوارعك ياما بتزنق
و بسحابتك السودا بتشنق
***
بحبك بس حبك فى قلبى معقد
بكرهك؟؟ صعب عليا أصدق
بحبك؟؟ لو قلت كدا هستغرب!!
***
لو أبعد عنك...فى ثوانى بشتاقلك
و كتير بلاقينى بندهلك
لكن برده مبطيقش نفسى و أنا جنبك!!
***
يا جماعة أى حد يقولى
يا ترى أنا عاقل ولا ترالالى؟
دا حب ولا كره ولا هو تملى
دا حال القلب لما عن مصر بيغنى؟؟
تحفة يا أنوس ما شاء الله :))
يا رب نشوف سموك قريب :)
heya law mesh hedya teb2a baheya, we enta yerdeek baheya, yeb2a 2keed hedeya.
ماشي يا عم أبو نضال.. ثبتني بالكلام الجامد..
وإنت كمان واحشني
cream on u
يعني قشدة عليك
يا عم تلاقثي محب ده بنت معجبة بيك
بس محرجة تقول
ماشي يا عم رفعت... أخيراً حنيت علينا بزيارة يتيمة..
وبعدين بطّل حقد بقى... كل واحد و له نصيبه
Post a Comment