Tuesday, March 11, 2008

غصب عني


إذرفي دمعك علينا و لا تواسينا

دمعة على حاجات كتيرة ما باقتش فينا

على أمة ماتت من زمان

بِسهم الإهانة ف قلبها

و ف ضهرها سكِّينة

أمة ما عادتش أمة

عايشة في ظلام الغمة

في وسط عالم ما بيحكموش

و لا حب البشر و لا ذمة

إبكي و خللي الدموع أنهار

من طُهر الفرات للنيل

و لحد ما تلاقي نهار

إبكي بدموع من حروف

بكِّي من دمعِك ألوف... و فكرينا

فكرينا بفلسطين

بدبابات و طيارات

و ناس رصاصاتها من طين

بأرض بتضيع من إيدينا

و عهود قلناها من زمان

إن بلادنا في عنينا

إبكي تاني و إبكي كتير

على طفل داق طعم السعير

على المجزرة

على بيت في شارع بقى مقبرة

خدي من دموعنا و ابكي علينا

أشلاء ولادنا بقت علامة

على باب تاريخ مليون مدينة

في القدس غزة و ف جنين

بغداد و دم الملايين

لبنان و بيروت بتنادينا

من شرق آسيا و لحد سينا

إبكي كمان لكن خلاص

تعب البكا منا خلاص...

أعذرينا

17 comments:

أبو نضال said...

تعذرنا ازاى؟ و احنا أملها الوحيد، و احنا ناسيينها و لا على بالنا، ماشيين فى الدنيا و لا حتى دمعة بتنزل تروى عطشها، و تطفى نارها، و لا ايد اتمدت تاخد بإيدها؟

تعذرنا ازاى؟؟؟

****

لما قريت القصية دى الصراحة سافرت معاها لفلسطين...وقفت قدام البيت اللى صار مقبرة، و دم الأطفال لمسته بإيدى، و جسم الشهيد حسيته جسمى...

بورك قلمك و مدادك يا أنوس

Anonymous said...

جامدة طحن يا أنس. واحدة من أجمل ما خطت يداك. معان قوية تعبر حال الكثيرين منا، ولكن لابد من وجود أمل يترجم إلى عمل. والنصرة كما تكون بالبندقية تكون بالكلمة والدعاءوالفن والدعوة وإحياء القضية في نفوس الأمة.
بوركت وبورك قلمك.
محب

أنس بن أيمن said...

شكراًيا أبو نضال...

بس لازم تعذرنا...

صحيح مالهاش حق تعذرنا، بس لو ما عذرتناش حنروح في ستين.....

يلا مش مهم

أنس بن أيمن said...

كلامك صحيح طحن يا عم المحب...

أنا على فكرة خلاص تقريباً عرفت إنت مين...

هبقى أقوللك لما أشوفك

Anonymous said...

mish 3aref 2aol eeh bas de mn a7lal el 7agat eli katabtaha



akhook fe ellah

أنس بن أيمن said...

هو إيه ده يا جدعان!!!

هو ليه محدش عايز يُفصح عن هويته؟!؟!

كل واحد يكتبلي أخوك في الله... محب... المحقق كونان... الخيال... شوية شوية هلاقي نفسي باكلم أشباح!!

عموماً جزاك الله خير.. و أحبك الذي أحببتني فيه

Maram said...

beautifully expressed!! mo3abirra gidan 3an kol 7aga...
fi3lan min a7la el 7agat eli katabtaha!!

أنس بن أيمن said...

شكراً ..... أخيراً

عمرو طموح said...


واد يا أنس

أنا شكلي كده هصدق اللي بيتقال عليك

لا بجد.. ما شاء الله لا قوة إلا بالله

انت كده مستواك ابتدي يقرب من مستوايا لما كنت في سنك:)

ربنا يكتب لهذه الأمة الحياة قريبا... بأيدينا

أخوك الكبير

جراندايزار... بمناسبة الناس اللي داخله من غير أسماء بس:))))))

أنس بن أيمن said...

تسلم غيديك يا عمرو... أنا مجنون... قصدي ممنون لحضرتك على طلتك البهية

خليك على إتصال دايماً

AHMED REDA said...

aah tht ma 2nd time 2 read aoness , one of the best , m2drsh akzb.

bas fi a7san isa.

salam ya day3

Anonymous said...

we became even too selfish to cry,too frustrated to dream and too angry to forgive even ourselves..welcome back.ommy:)

Anonymous said...

ماشاء الله لا قوة الا بالله جميلة و نفع الله بك دينه ان شاء الله

أخوك أبو يحيى

عبدو بن خلدون said...

تعذرينا؟

شفنا دم الطفل
عالكراس

لكن ما قمنا
ولا فارقنا النعاس

يا أمة كرامتها بقت
مداس

لا تعذرينا

لا تعذرينا

لا تعذرينا

أنس بن أيمن said...

أعذرينا لأن العذر مفتاح

وحاجة نرجع بيها إللي راح

أعذرينا لأنك إنت أمتنا...

و عذرك هيصحي فينا الكفاح


تشكر يا عم الرحالة

Anonymous said...

Hello. This post is likeable, and your blog is very interesting, congratulations :-). I will add in my blogroll =). If ossible gives a last there on my blog, it is about the Aparelho de DVD, I hope you enjoy. The address is http://aparelho-dvd.blogspot.com. A hug.

Anonymous said...

helwaaa awii ya anas...bgd soo touching...u r talented bgd