Tuesday, July 22, 2008

دموع على خد القمر


لسة فاكر صوت خيالك
و بسمة منك حلوة طالعة
و صوت حكالي ألف قصة
بتداريهم ألف دمعة
لسة حاسس نور عينيكي
و دنيا تانية باعيشها فيكي
و ألاقي ضحكة بتعلا بيكي
و رغم نورك و بسمة منك
لسة شايف دمعتك
ماتعيطيش لو ليكي خاطر
لو بينك و بيني سور
لو بينا سنين مخاطر
إندهي إسمي تلاقيني
بين إيديكي و ليكي طوع
و ليكي قلب و ليكي حضن
و ليكي خد وقت الدموع
طلعي الضحكة البريئة
خللي روحك فيها تظهر
و فيها ورينا الحقيقة
طيري ويا الكون براحتك
ما تسأليش أخبارنا إيه
عيشي في الأفراح لوحدك
أو معانا أو بغيرنا
المهم تبان غلاوتك
المهم يجف دمعك
و تلاقي حتة فيها قلبك
فيها حقك م الحنان
فيها حد يخاف عليكي
و ياخد ضوء القمر
و يمسح دموع عنيكي
و تكوني زي ما إنتِ.. إنتِ
و تلاقي جنة حزاء دموعك
و تسكني ف قلبي و مدينتي

13 comments:

ana........... said...

klam gameel gameel ya gameel
:D
3amel eeh ya 2noos hope u r great n doing very well in ur life

(( bas ana 7ases eny toht, mesh mot2ked eny fhmt enta 3ayz t5ateb meen f el kasyda d m3lsh yemkn ana elly ahbal bas f3lan lel2a5er fkrt f alf alf e7tmal w 7ases en klohom 3'lat :( mesh 3aref leeh
3la kolen heya to7fa tab3an w teslam dema3'ak ya basha rbna m3aaaaaaaaaaaaaaaaaaaaaaaak w tekteb agmad isA ))
sus :D

abu adhamza said...

now u r fully mature adabeyyan..
3ala fekra u didn't inform me by ur new one.. we ra3'm keda i am the second one to comment..that means i am always searching 4 ur ebda3at ya nadl..!!
go on.. i can notice major improvement in this one..7asses enn feeh 7aga keda 7'alf el setaaaar..!!! sa7..??? etla3 men dol ya m2ass..!

kisho said...

kalam gameel, kalam ma32ool, ma2darsh a2ool 7aga 3anooh!!!!!!!
bas i have the same comment as i did not understand anta t02sod meen belzabt

أنس بن أيمن said...

خالي العزيز.... أنا ما قلتش لحد على الحتة الجديدة.. كنت عايز أشوف حد حيعبرني ولا لأ..

و صدقني... مافيش حجة خلف الستار.. و لا حتى قدام الستار

أنس بن أيمن said...

Kisho.. u dont have to understand who it is for.. bs 3ashan atamennak, its not for you :)

abu adhamza said...

و لا تحت الستار..؟؟
ba3den enta keda kashaft el under cover elly ana 3amloh..!!

Anonymous said...

fi 7agat el wa7ed sa3b ye3lk 3aleeha el sara7a .. aly3ni ana ba3lk keteer awy.
bs fi mel7wza so3'yra mesh el osool bet2ol lama tast3eer 7aga men 7ad te2ol enk est3rtha meno :P:P
enta bardo bet2ol keda ana 3aref

bs bgd bgd ana mesh 3aref a2ol a el sar7a 5ales ana el 7a2ee2a mestany di men zamaann awwyy w el 7a2ee2a gat b kwa aktr men el motwak3.
really very nice and keep on,waiting for more and better things isa..
abdelrhman.

عمرو طموح said...

جامد الكلام دا يا أبو أنس


بس ليه مكانش فيه إعلان

عموما... من أجمد الحاجات اللي كتبتها فعلا... اعملها إعلان بأه عشان الناس تعلق أكتر بالشكل اللي الحتادي تستحقه :)

بس قوللي... انت بتقعد فين بعد الضهر :P

أبو نضال said...

و كالعادة تسكت دهرا و تنطق دررا :)

كلمات جميلة، عميقة، و أيضا يونيك :P

واحشنى يا أنوس

سلاماتوز

أنس بن أيمن said...

يا سعدي يا هنايا لما الثلاثي المرح يعلقوا عندي ورا بعض... هي الدنيا بقت بمبي ليه!!!

yehia ashraf said...

Nice words ya Anas ya nadl

mostafa sa3eed said...

7elwa mennak yad ya anas, b sara7a knt fakerha neshfet m3ak lamma et2a7'art keda bas elwade7 ennak kont betlayyenha 3ashan tetala3 7aga ndifa :)

i agree with those who saw a great deal of improvement in ur style of writing. bs 7ases en fe shwayyet 7agat malhash 3elaka beba3daha, w fe shwayyet tashbihat msh 3agbany, bs overall it is v.good one.

w ba3den besara7a msh 3aref, hal enta shayef ennaha 7aga kwayyesa en kol 7aga tektebha teb2a 3'amda w el nas to3od tetla7'bat fiha w matefhamsh 2wy enta 2sdak eih? i think this may ur audience feel de-attached from what u say and feel as if it is a "personal" thing that only you who understands it.

msh 3aref leah 7ases enny shoft el 3enwan dah f 7etta tanya, besara7a maba7ebbesh el 7arakat dih. bs i woluld excuse you if u had intentions to deliver a certain msg ;)

bgad, 7elwa w 3agbany

أنس بن أيمن said...

تشكر يا درش على وقتك الثمين و رأيك الصريح...

بس لو الحاجات اللي أنا باكتبها بتطلع غامضة، ده مش لأني بحب جيمس بوند، لأ... ده لأنها هي كده. و أنا أعتقد إن كل واحد فينا جواه حاجات هو مش فاهمها كويس، و فاكر إن الحاجات دي عنده هو بس، و ده مش صحيح... فاللي أتا باكتبه بيخاطب كل واحد فينا...

بالنسبة للعنوان، أنا اسأذنت صاحبه قبل ما أخده...

تشكر يا حج طماطم