Wednesday, October 08, 2008

بداية و نهاية


زمان كان نفسي أكبر

كان نفسي جداً أبقى كبير

و نفسي أطير

كان نفسي أحب الدنيا أكتر

و أشوف قلوب متلونة

بلون يليق مع الأخضر

و لاقيتني باكبر

و الوقت فات

فاضل ساعات

فاضل ثواني

كبرت تاني

ما فاضلش تاني عشان أعيش

عدت سنين

و الوقت ماشي ماستنَّنِيش

فاتت حاجات

و ذكريات

عاشت و ماتت حاجات كتير

و اتغيرت حاجات كتير

و كأن أصل الدنيا التغيير

و الدنيا صغرت

و كبرت أنا

كأن عدت مليون سنة

و كان اللي كان

و لا عادش فيه حتى زمان

14 comments:

yehia ashraf said...

Akheran ana 3reft malak :D. mabda2eyyan heyya 7elwa awy w 7asesha tal3a men 2lbak. bas 7assak khayef keda w 7ases en elwa2t fat, mesh 3aref leh 7ases in da kalam wa7ed 3ando 70 sana ya Anas. bas enta lessa 2oddamak 7agat keteer awy. aslan enta fe3lan lessa so3'ayyar, enta fe3lan 3andak as7ab kwesseen awy w btorbotak beehom hagat akwa men ennaha tentehy ba3d ma tet7'arrag.
love u brother :D

Anonymous said...

أولا من حيث المعني هي فيها احساس عالي جدا لواحد رغم انه في ريعان الشباب زيك لكن حاسس بالدنيا وحركتها والأيام وإزاي بتعدي بسرعة .. وده احساس زي ما يحيي قال بييجي للناس في العقد السابع من العمر.. و كتابته بالإحساس ده في العقد الثاني (علي أساس انك لسه تامم عشرين سنة... اذا كنت تمتها أصلا) حاجة تنبأ عن احساس جيد بالمعاني و تخيلها و استحضارها

Anonymous said...

ثانيا من حيث البناء
انت كل شوية بتقرب من الشعر الموزون .. ودي حاجة كويسة جدا..لأن الشعر إذا مكنش موزون يبقي كلام مش شعر

لكن لا يزال عندك مشاكل في الوزن.. و علي فكرة القصيدة العربية إما تكون شعر عمودي أو شعر تفعيلة

الشعر العمودي له علم كامل يبحث في أوزانه اسمه علم العروض.. لو جبت مدرس كويس و قعد معاك 5 مرات ممكن تاخد فكرة كويسة عن العروض.. و ده هيفيدك حتي لو مكتبتش شعر عمودي لأنه هيديك احساس بموسيقي الشعر

أما شعر التفعيلة فهو برده لي موسيقي ووزن.. انصحك تاني تقرأ لناس زي صلاح جاهين, نزار قباني (وحط تحت نزار خمسين خط) , نازك الملائكة, أحمد مطر.. وغيرهم من اللي بيكتبوا شعر التفعيلة

قراءة الشعر كمان هتديلك معاني أوسع.. لأن حاسس ان المعاني بتاعتك محدودة شوية

Anonymous said...

من الآخر الشعر : حكمة+خيال+ عاطفة

وجود واحد أو اثنين من هذه المكونات لا يصنع شاعرا..

لابد من اجتماع الثلاثة

ربنا يوفقك

Anonymous said...

ايوااااااا كدا يا انووس
انت لما تكتب حاجة كويسة انا ممكن اشجعك " انت بتلعب فى نادى ايه؟؟"
خاليك فى الحاجات الكويسة دى و سيبك من الفقع بتاع الاحساس و الترباس و النسناس
بس بجد عاش

black_incubus said...

3la fekra
I hate u :@
thnx a lot 3shan mesh bt2ool enak 3mlt post da f 7ad zato m7tag lel t3lee2 :S
3la el 3moom el mrady 2osera awey ml72tesh a7esha
l2ny 7ases en el klam leeh b2ya w lesa f 7agat lazem t2olha
mesh 3aref yemken ana 3ayz akmlha :P

bas good work w rbnam3ak

w ya reet t3barny 3shan keda bgd 3yeeb :(

black_incubus said...

w klma sa3'yra l a7mad fat7 el bab
al she3r lays mograd abyat tokal btrteeb wa awzan
el sh3r absat mn keda kteeeeer
el sh3r momken yeb2a mograd 3atefa t7rek 5yalak ftktob
w zay ma 2olt l anoos abl keda
الشعر ...
هو ذاك الإحتراق الداخلي لعقلك
هو هذي الرعشة في قلبك
هو هذي الإنتفاضة فير المفهومة لروحك
هو ملايين الأفكار
تومض للحظات
وتنادي عليك....بأشباه الكلمات
برموز ....تظنها كلمات
ولكنها ليست بأي من اللغات
برموز وهمية... تنطلق في ثناياك
تحرك فيك اختلاجة
فتتحكم في يداك
لترسم بالشعر
وتحكي كلمات باللوحات

أنس بن أيمن said...

شكرا يا سرهوب يا فاهمني إنت... أو عامل أكنك فاهمني.. و إنت فاهم أن أنا فاهم إن إنت فاهم... وغالبا محدش فينا فاهم أي حاجة...:)

أنس بن أيمن said...

شكرا ياأخوبا الكبير... سيبك من إن إنت عمال تطلع عليا عُقدك.. و إن إنت كان نفسك تطلع مدرس إعدادي... كل ده مش مهم... المهم إن إنت جيييييت!

أنا فوق المبسوط (بشوية صغيرين) إنك علقت عندي و جزاك الله خير...

و طبعا هحط كل الكلام الكبير طحن ده في الإعتبار

أنس بن أيمن said...

كيشو...

بطل قلش

بس كده

أنس بن أيمن said...

عبده...

شكرا يا سيدي

وقفت جنبي ضد تارات المعارضة...

ربنا يقف جنبك يا عم الحج

Anonymous said...

Mr. black_incubus (ela howwa ya3ni eh incubus)

العاطفة الي تثور في الوجدان فيعبر الإنسان عنها بكلمات أو رموز ده الأدب بشكل عام

ممكن تخرج العاطفة دي في قصة أو رواية أو اغنية أو خطبة أو نثر أو شعر

لكن الشعر لازم يكون ليه موسيقي ووزن عشان يبقي اسمه شعر..

وإلا كان صورةمن صور الأدب.. بس مش شعر..

وده ميعنيش ان العاطفة والخيال و الحمة كمان مهمين جدا جدا...

ده رأيي يعني

واد يا أنس.. متحورش .. أنا كان نفسي أشتغل مدرس اعدادي ياد..

انت كان نفسك تشتغل مدرسة رسم.. أو فنانة استعراضية زي ما كلنا عارفين

وبلاش أكتر عن كده عشان احنا في مكان محترم

:)
take care my friend

black_incubus said...

أخي أحمد فتح الباب
أنا فعلا أحترم كلامك بشدة وإن كان ينتمي إلى المدرسة القديمة التي ترى الشعر في الشعر العمودي وفقط
ولكنظهرت العديد من الاتجاهات الشعرية التي تنادي بالشعر الحر من الشكل المألوف وهو الشكل العمودي
ثم من الوزن وهو الشعر الحر بمعناه المرفوض :p
ولكن حقيقة الآن معظم الناس بدأت ترى نوعا آخر من الشعر وهو "شعر النثر"
هذا الشعر لا يتقيد بوزن ولا قافية في كامل القصيدة ولكن في بعضها أو في كل جزء على حده وهو ما يمكن أن يطلق عليه الخواطر الشعرية
فمن الممكن أن يظهر الشعر في جملة خالية من أي من العكازات الموسيقية والبلاغيةالعظيمة كما في جملة مثل
الفم يرى
فهذه جملة شعرية المعنى وليست نثرية حيث أن النثر الفم يأكل الفم يتكلم...الخ
ومن ثم تأتي قصيدة النثر التي تحكي أو ترصد موقفا أو تحكي عبرة معينة
فمثلا

اتكلم كل يوم مع هذا النهر
اتكلم كل يوم مع هذه الشجرة
اتكلم كل يوم مع هذا الجدار

هذه بداية قصيدة لكنها لا تحتوي على أي وزن أو قافية معينة ولكنها شعر بذاتها لما فيها من معنى شعري

خلاصة ما أريد قوله حتى لا تكرهني من كثرة الإطالة
أن هناك علما قائما بذاته هو شعر النثر
فهو شعر معنى

أرجو أن تتقبل فائق احترامي وتقديري لكلامك وأن تعلم أني لا أنفي بأي شكلمن الأشكال ما قلته أنت من أن الشعر قائم على الأشياء الثلاثة (ومنها الوزن)
ولكني أضيف أن هناك نوع آخرمن أنواعالتعبير عن النفس يكمن في الشعر النثري


هذا كلام كثيرأرجو أن لا أكون أخطأت في بعضه أو قلت ما لا يجب لي قوله أو أدرجت فيه ما لا يجوز وضعه
وارجو ألا أكونأزعجت أنس بكلامي الكثير
دمتم على خير
وجزاكم الله خيرا

((بالمناسبة black incubus تعني الكابوس ألأسود أو بمعنى أدق الجاثوم وهو ما يعتقد أنه كائن شيطاني يجثم على صدور النائمين فيسبب لهم الكوابيس :]))

Anonymous said...

اوووووووووووووووووووووووف
جامدة اوىىىىىىىىىىىىىىىىىىىىىىى
و صباح السرعة
حاجة جديدة فحت لا سمعتها ولا شوفتها قبل كده