Wednesday, February 04, 2009

حكاوي في ليل غريب

بتختلف الوشوش

و كل يوم حاجات جديدة

إمشي الحواري

و اسمع حكاوي

يمكن جداً هناك تلاقي

ناس كتيرة

قاعدين بساطى عالحصيرة

روح و شوف في حتة تانية

ناس كتيرة مش هيّ هيّ

ناس و كله عنده قصة

و ميت حكاية مالهاش نهاية

كل حتة و فيها ناس

كل واحد ماشي في حاله

أو مش في حاله

مالكش دعوة.. مالك و ماله

يمكن ساكت لأنه ساكت

أو دنيته مش مرتحاله

خللي الحكاوي تاخدك بعيد

لمكان جديد

يمكن تلاقي قلوب حديد

و إيدين تدوّر على أي إيد

إعرف ساعتها و اسمع بقلبك

الدنيا دي يدوب أحلام

و كل الناس عايشينها كدة

قلوب مش متأكدة

مش حاسة برضا

و كله بعد الأوان ما يفوت

و يا دوب قبل الصباح ما يفوت

بتيجي لحظة ماليها سكوت

فبها الحقيقة كلها

من غير تزويق أو منجَهَه

فيها الحقيقة كلها

و الناس تداري وشها

فيها الحقيقة كلها

و عنين تزغلل من الدموع

و فجأة تبكي من نفسها

14 comments:

Anonymous said...

Shin7'wa koko maltzu..(ya3ni 7elwa 2wy el 7etta dih bel "Seeny" enta ragel fahem delwa2ty :)

aktar 7aga 3agbany el title & 2a7'er kobleh... ya3ni heyya elmawaheb mabtezharsh 3'eer f daragat el7ararah el mon7'afedah walla eih???

7elwa mennak ya 3am el "Panda"... msh el panda dih seeny bardo walla eih??

send me ur chineese number... in English letters please ;)

a7eb mo3'amaratak

yehia ashraf said...

el 7a2e2a al akeeda elly enta bt2ool 3aleha fel akher de heyya el moot???
w ba3deen why in most of it u assume people sad unsure and sad. why don't u assume people are happy, thinking about love and peace. looking for a dream. lots of people are...

AHMED REDA said...

7elwa ya tola kan feen dah meen zaman.........tal3 el mwaheb badl ma t3feen goa....

صوت من الاعماق said...

eh ya 3am elkalam da
da seeny da wla aa:)
w b3deen hommma darbook gamed awy kda shaklk magroo7 gamed:)
bs 3aaaaaaaaaaaaaaaaash
kunitshwa (ya3ny hi wlbyabany kamn:))
have fun felwa2t 2lly mabtederbsh feeh

Anonymous said...

anas u dont know how it touched me "يمكن ساكت لأنه ساكت

أو دنيته مش مرتحاله

خللي الحكاوي تاخدك بعيد

لمكان جديد

يمكن تلاقي قلوب حديد

و إيدين تدوّر على أي إيد

إعرف ساعتها و اسمع بقلبك

الدنيا دي يدوب أحلام

و كل الناس عايشينها كدة

قلوب مش متأكدة

مش حاسة برضا

"

begad gamda gedan... wade7 keda en el seen msh 7elwa :D

Messary

أنس بن أيمن said...

Ya mama Ana Wawa... (ya3ny ana fe3lan gesmy kollo beyewga3ny)... shokran ya mostafa..


a7eb ta3leqatak

أنس بن أيمن said...

The "truth" that i am talking about is not necessarily death, but it is the meaning of this world, and the purpose of our existence. Death only opens our eyes that this truth exists.

Bs msh moshkela.. kollo sha3ál.. w ba3deen battal el tafa3ol el sokkar zeyada bta3ak da... mostafez awy

أنس بن أيمن said...

Shokran ya 7g boda... ana bardo 3aref kelma seeny tanya: yokahoma (ya3ny: 2oom mn 3ala 5artoom el oxojeeeeeeeeen) :)

أنس بن أيمن said...

Wallahi enta elly kollak zoo2 yad ya messi... wa7eshni a5er kalam

محمد رفعت said...

مش مصدقك على فكرة

إن انت اللي بتكتب الأشياء دي

Anonymous said...

MSA gamda awy ya Atols msA fe3lan 7elwa awy. keep on (mesh by2oloha keda bardo ???)

black_incubus said...

2noos basha
gamda gedan gedan

tab3an now f wa2t w f dma3' w lazem tetala3 7aga keda :D

bardo mrkez 3la wa2t mo3yan f kol el ksayed
f elly fatet kont bardo btetklem 3n nafs el wa2t bta3 abl el sob7 da
w hoa wa2t gamed f3lan kman el mawdoo3 bta3 el 7a2e2a da mohem awey w f3lan mesh lazem yeb2a el moot

7elo awey
rbna m3ak f elly enta feeh :D
sus isA

عبدو بن خلدون said...

مذهلة
تمس شغاف القلب
بأنسام حريرية الملمس
لكن أثرها ينطبع علي الجبين
!لا يزول

بعد اليل نهار
ولو سالت المدعو أنهار

لم احيا بعد said...

تعبيرك رائع فعلا يوجد سلاسة فى الاسلوب ربنا يوفقك

أعجب ما تعجب كل شئ له سبب ولو الكلام من فضه والسكوت ذهب والدموع لهب والخشوع ادب يحقلك تعجب وما عليك عتب.......