Saturday, September 19, 2009

ورقة و قلم


مِسِك الورقة و خط القلم

الخط خطه و خط الألم

الخط خيطه لخط الزمن

مكتوب في قلبه كل شيء

من يوم ما قلبه كان لسه طاهر

و لحد يوم ما قلبه اتظلم

شاف في القلم كل الألم

و شاف في الألم أصعب طريق

طريق مليان بالذكريات

و فات عليه العمر ساعات

ساعات بيبكي بقلبه دموع

و دموع بتشكي ألم موجوع

و جوه الوجع قلبه ابتسم

ببسمة فيها شيء من ألم

و كأن الألم يوم ما اترسم

عالرسمة اترسم كل الوجود

و لكن مافيش شيء موجود

و كأن الفرح بدون مجهود

موجود معانا ف دمع العيون

و عيون تبص فوق للنجوم

تستنى نجمة فيها الألم

و فيها حاجات أيام زمان

و فيها الفرح معاه اتختم

2 comments:

abdo said...

الحقيقة إنها برغم ما هيا جامدة طحن
إلا إني شايف فيها توهان غير طبيعي
فيها ألم بشع
أتمنى من الله أن تكون بخير
وأن يكون كل شيء بخير
وأن أراك قريبا

John said...

Very unique blog.
Fantastic pictures. Wow...

I like your blog.

Please visit:
http://smart-family.blogspot.com

Keep blogging.
Have a great time.