Sunday, September 30, 2007

أنا الشهيد


مش نادمان على أي حاجة عملتها
و لا إني مت ف سبيل الله.
و لا إني عشت لفكرة عرفتها..
و فهمتها..
و عشان إيماني بيها سبت الحياة.
أنا إللي مش ممكن أبداً أموت
لأإني هنا في مكان جميل
مليان جواهر مليان ياقوت..
ملين حاحجات كتيرة بحبها.
أنا هفضل عايش ف قلوب الناس
و ف كل حتة عشت فيها..
و ف كل حتة رحتها
أنا إللي دمي كان سطور..
كتبها و بحروف من نور..
قصص بطولة مُخلَّدة.
أنا إللي روحي كانت فِدا.
و عشان إلهى طلبها مني.. قدِّمتها.
و إنتي يا أمي ما تزعليش..
أنا مش قولتلك قبل ما أمشي..
"لازم ها عيش.."
و فيها إية لو روحي كانت هيّ التمن..
و فيها إيه لو قلبي خلِّدته طول الزمن.
يا أمي..
ضحيت عشانك و عشان ولادك
ضحيت عشان الظلم خَد بلادك
يا أمي..
ما تروحيش عند قبري..
سيبيه وحيد..
ما تذرفيش عنده الدموع..
ما تقِيدِيش في ذكراىَ الشموع..
بس احكي عني للشباب..
صحِّي بيَّ شعب غاب..
و قوليلهم نفسي أرجع للدنيا تاني..
و أتقِتِل ألف مرَّة بسيف حديد..
و روحي تكون تاني الفدا..
قوليلهم إني أنا الشهيد.

5 comments:

أبو نضال said...

ما شاء الله يا أُنُّس، بجد جميل اوى، فى كام حتة كدا ممكن يتظبطوا أكتر، و النهاية برده ممكن تبقى أقوى سنة بس الحتة دى جامدة اوى

يا أمي..
ما تروحيش عند قبري..
سيبيه وحيد..
ما تذرفيش عنده الدموع..
ما تقِيدِيش في ذكراىَ الشموع..
بس احكي عني للشباب..
صحِّي بيَّ شعب غاب..

و بجد اوعى تبطل كتابة، متعملش زيى :)

و مشتاقين لحاجة بالعنجليزى :)

أندلس said...

رقيقة تثير الحزن والشجن والدموع
كنت قد نويت أن أقرأ تدويناتك دون تعليق فلربما يضايقك ذلك
امسح تعليقي ان أ{دت ألا تنشره
لكن هذه المرة كان يجب أن أسجل أن كتابتك أجبرتني على التعليق

أنس بن أيمن said...

This is a free country.. please feel free to post anything you want.

CASPER said...
This comment has been removed by the author.
Anonymous said...

جميعا نأمل ذلك ولكن أولا يجب ان نستعد لذلك