أكون أو لا أكون..؟
أعيش و لّا لأ؟
أفضل ساكت و ساير...
ولّا أقول الحق؟
أنا أبيض و لّا إسود..
ولّا فيّ الف لون...؟
أكون أو لا أكون...
ألف سؤال مجنون
صَحّى قلبي في الليالي..
بكَّى عيني و خلّهالي..
تايهه ف غربة الكون.
أكون أو لا أكون..؟
لسة الدمع جوة العيون؟
و لّا الفرح بقى يتعزف..
على وَتَرِين من قانون
عايش في وسط دوشة...
و لّا راضي بالسكون؟
أكون أو لا أكون..
ألف سؤال مجنون..
ألف سؤال مجنون.
13 comments:
عندنا مليون سؤال
اللي حيجاوب عليهم
ليه مفاجأة من غرابتها مش هيفهمها
هو يمكن؟
احتمال؟
بس ليه الاحتمال؟
مش أكيد؟؟
لا ده جايز؟
مستحيل؟
طب نشوف البدايل؟
هي طارت؟
يبقي مين كان هيختار؟
راحوا فين؟
امتي جي و امتي رايح؟
ناس و فاضية؟
هما فين؟ هما مين؟ كانوا امتي و راحوا فين؟
::
و كن رجلاً
إن أتوا بعده
،
يقولون : مر
...
و هذا الأثر
!
::
قشطة ع الإبداع، و الإبداع قشطة عليه
---
حاجة في الآخر علي جنب
هو السؤال اللي مجنون... وللا اللي بيسأل هو اللي مجنون؟
إنت جامد قوي.. مش قوي يعني.. أحب الناس إللي بتبدع في كل كلام بتقولو... حتى في التعليقات؛ دسي بتبقى ناس حنتيتة.. يا عمرو.. السؤال و اللي كتبه.. الإتنين مجا... ولا بلاش
eh ya abo anoos
wad7 2n elbamby 3aml 3amaylo lol
nice
حلو اوي الجنون ده
وحلو اوي البحث عن الذات ده
ده آخر تعليق عندي، لو ما جتش تعلق عندي مش جاي عندك تاني
اعتبره تهديد، ووعيد
عبر عن مشاعرك عندي في المدونة، عشان احنا كمان بحب اشوف المشاعر دي، مالية المدونة بتاعتي، عشان الناس يعرفوا إن صحابي عندهم احساس، وبيقولوا كلام طالع من القلب ع الودن دوغري
لا فيه لف ولا دوران
تسلم ايديك، ابقى تعالى براحتك، انا بس حبيت اهزر معاك
عشان تشرفني
ياأستاذ أحمد... أنا بخاف بسرعة..
تعليقي على البلوج موجود
you're so very right ya annoos...each one of us walks on carrying a huge pile of unanswered questions..we sometimes find answers as we go on & most questions are left with no answers..that's why life is a bit long exam.may Allah make yours exceptionally easy :)ommy
Thank you ya gameel. May all our lives be easy inshallah.
كله نايه و مليون سؤال محيره
عمال بيسأل و لا فيش حد جاوب عليه
مخه لف من كتر الأسئلة
و الأنقح من كدا...
ان كل سؤال بيجيب أسئلة صغيرة
أو كبيرة أو كتيرة أو قليلة
مليون كتاب و كتاب
ما فيهم لأسئلتى جواب
لفيت أنادى يا أهالى الكون...
يا مين يجاوب على سؤالى؟
بس السؤال مجنون!!!
جميلة يا أنوس ما شاء الله :)، لا حرمنا الله منك يا باشا :)))
صباح الصباح يا أبو نضال.. دايماً بتعقدني بإبداعك التنين. جزاك الله خير يابني.
أكون أو لا أكون ؟؟؟؟
be or not to be ?????
تكون طبعا
لسبب بسيط جدا
إنك كنت خلاص
أعيش ولا لأ ؟؟؟
live or not to live ??
تعيش طبعا
وسبحان الله لسبب بسيط جدا برضه
إنك عشت خلاص
بالنسبة بأه للألوان والأبيض والأسود والألف لون وكده
فأعتقد أنه بإمكانك إستخدام ما يسمي بال
spectroscope
معلش بحب أغلس شوية
وبعدين يا أخي اللي مش لاقي ذاته يروح يسأل آخر واحد كان عنده يمكن يكون نسيه هناك في الكومودينو ولا حاجة
ويا سيدي علي أسوأ تقدير لو ملقتوش روح يا أخي اشتري ذات تانية من عند عمو بتاع الذاتات
سلام يا صاحبي
آه نسيت أقولك
أنا كاتب موضوع علي مدونتي يمكن يفيدك اسمه
أفكارنا وأحلامنا بين الواقعية والتنظير
اقراه كده وقوللي رأيك فيه
هتلاقيه آخر موضوع مكتوب
سلاااااااااااااااام
المرة دي سلام بجد
أخوك
خالد أبوالفضل
el-aseef.blogspot.com
يا سلام يا خلود.. اللذيذ المفيد.
بس على فكرة مش دايما الكلام بيتاخد على معناه الحرفي.. يعني "أعيش و لا لأ" مش قصدي العيش المادي، لأني زي ما إنت قلت أنا عايش بالفعل.. إنما معناه العيش الميتافيزيقي...
يلّا.. أهو أي كلام بيتقال و خلاص..
هبقى أعدي عليك يا دوكتور..
مع حبي
أنوس
ايه يا عم الكلام الكبير ده
لما قلتلك تبقى تودني وتزورني في المدونة كنت قاصد يعني تيجي معاك البرتقان والحاجات دي،
بس الكلام ده اشيله فين يا عم
فضيلي حتة في الميل بتاعك عاوز ابعتلك اغنية
بيتهيألي على الجي ميل أحسن
تشرف و تنور في أي وقت و في أي حتة و من غير أي سبب؛؛؛؛
Post a Comment