Tuesday, November 27, 2007

أعقاب سجاير


في الشوارع في الحواري في المولات..

في كل حتة موجودين.

مترميين و منداسين

و مفعوصين تحت الشباشب

معندهمش أي صوت..

يقولو للماشي حاسب

مفحوتين و مطحونين..

مالهومش لزمة

ولا في الرخاء و لا وقت أزمة.

خانقين علينا و مخنوقين.

متفعَّصين.

متقطّعين.

باصِّين في وش كل واحد..

ما هما مرميين عالأرض..

مهريين مِالضرب.

زهئانين من الكرب.

غلبانين و متمسكنين.

أنا مش باوصف أعقاب سجاير..

أنا باوصفنا إحنا.. البني آدمين.


18 comments:

أبو نضال said...

الصراحة أول ما قريت العنوان و أول سطر...قلت لازم هيتكلم علينا :)))

بجد يا أنوس جميلة ما شاء الله...رسالة حلوة اوى...و إحساس عميق بالمأساة اللى احنا عايشينها...

أرفع لك القبعة :)))

Bedz said...

The Best You've made so far!!!

أنس بن أيمن said...

شكراً يا بو حميد.. بس تقلعلي القبعة ليه؟؟ هو أنا هحلقلك و لاإيه؟!! ؛؛؛

أنس بن أيمن said...

أخيراً يا بيدز.. أخيراً عملنا حاجة تنول رضا مزاج سعادتك... ماشي يا عم

صوت من الاعماق said...

hmmmmmmmmmmmmmmmmmmmmmmmmmmmmmmm
mmmmmmmmmmmmmmmmmmmmmmm
gameela gdn bs elsara7a ma7setsh 2nk bttklm 3an 232ab elsgayar
w any way 2r7m nafsak msh hat2lsh
7ata flcomment
bahazar tab3n 5od ra7tk w k2n elblog bta3k ya3ny mattksfsh
yalla kfaya kda
salam

Anonymous said...

This is my first time to visit your blog , but I really like it so much .there is something in it,I don't know it but it is in there maybe very deep I cannt see but I'm sure it is there .
If you know me I'll give 75p. Guess & I'll check on u soon

أنس بن أيمن said...

Dear Anonymous,

Thank you for your comment, maybe what is in it is that everyone can see something of themselves in what is written...

By the way, i'll give 100p if you tell me who you are!

أنس بن أيمن said...

ماشي يا بودا.. عرفنا يا عم إنك جامد و بتفهم الحاجة و هي طايرة.. و قشطة عليك.. و مستنيين إبداعات مذهلة و جامدة طرابزين عالبلوج بتاعك (ياللا يا عم بظبُّتك)؛؛؛؛

شخص بيحبك جدا said...

أنوس أنا عاجبني جدا انك بتعبر عن نفسك بالكتابة وبتتطور باستمرار وفيه حاجات بعينها من الي كتبتها حستها أوي وعجبتني أوي ونفسي في حاجة واحدة ,لأ أقصد حاجتين الأولي انك تستمر في الكتابة والتطور وأنا مع النصيحة الي قالك عليها مرة واحد صاحبك مرة في تعليق من التعليقات علي احدي كتاباتك بكثرة القراءة في الأدب والشعر والزجل لكتاب وشعراء وزجال عظام أضيف عليهم اثنين هما فاروق جويدة كشاعر متميز جدا خصوصا في الشعر السياسي وآخر اذا استبعدت بعض الأبيات عنده التي خرف فيها شرعيا فهو شاعر مهجر شديد التميز وهو ايليا أبو ماضي . ويا سلام يا أنوس لو قرأت شعرا للامام الشافعي ستغوص في معاني ومتون غاية في الجمال والابداع أما من الزجال فأنصحك ببيرم التونسي وصلاح جاهين.حبيبي أنوس نفسي فحاجة تانية نك تبدأفيها وتطورها بعد كده لأنها مهمة غاية في الأهمية في الحياة والعلاقات الانسانية وخصوصافي رحمك وأكثر خصوصا للنساء فالأب والأم والأخ والأخت والجد والجدة والخالة والعمة وطبعا طبعا الزوجة في المستقبل يكونون في غاية السعادة عندما تعبر لهم عن حبك لهم واهتمامك بهم بالكلام والفعل والحنان ,علي فكرة انت ساعات بتعمل ده كويس أوي بس علشان انت طبيعتك جواني فتعبيرك الغير ورقي أو بالأصح الغير نتي ليس كبيرا مع انه بيبقي حلو أوي لما بيحصل.معلش يا أنوس طولت عليك شوية بس أنا لي تعليق صغير علي آخر حاجة كتبتها الي هي أعقاب سجائر وهو يمكن يكون عكس شوية بعض التعليقات الي اتكتبت حبيبي أنوس أنا لما قرأتها حسيت فعلا انك بتوصف أعقاب سجائر وبتعمل ده كنوع من التجديد حتي وصلت الي آخر جملة حسيت بروح المتنبي في الكتابة وليس أنوس لان المتنبي هو الي كان يكتب بطريقة مأساوية كبري وليس أنوس الجميل الي أعرف عنه التفاؤل والأمل والرغبة في فعل الجديد والمتميز دائما أملا في الاصلاح والتغيير الايجابي أنوس ماتزعلش مني بس بس أحب دائما أشوف فكلامك انت والشباب التفاؤل والأمل(تفاألوا بالخير تجدوه) وبعد كل ده حظر يا بطل بقي أنا أبقي مين؟

يوميات عيل مصري said...

أنوس
تحفة كالعادة، لولا بقية من هروب مزاجي لعلقت بأكثر من هذا
بس انت اكتشاف

أنس بن أيمن said...

إلى شخص بيحبني جداً؛؛
شكراً على التعليق الجميل دة.. لكن مش دايماً كل حاجة ينفع تتقال.. فيه حاجات بتبقى ليها معنى أكتر لما بتتكتب.. دة طبهاً مش معناه إني ضد الكلام أو الحوار.. بالعكس.. إنما كل واحد مننا عنده جانب من شخصيته ما بيعبرش عنها بالكلام.. و أتا باعبر عن الجانب ده بالكتابة......ز المهم.. بالنسبة لأعقاب سجاير.. هو فعلاً ده إللي أنا كنت حاسسه.. و بصراحة أنا ما قرأتش أي حاجة للمتنبي.. لكن حبيت أعمل عنصر تشويق أو صدمة للبيقرا. و بصراحة أنا باكتب إللي أنا حاسسه و شايفه قدامي.. لكن طبعاً متأثر بحتة من تشاؤم.. و ده لأني إنسان....

شكراً جزيلاً على التعليق.. و للأسف أنا ما بعرفش أخمن؛؛؛؛

أنس بن أيمن said...

سلامة مزاجك يا أستاذ أحمد... أنا على فكرة بادخل عالبلوج بتاع حضرتك.. لكن ما بقدرش أعلق عالكلام الكبير المذهل بتاع حضرتك.

osama said...

جميله فعلاً ..
ولكن من الذي فعل بنا كل هذا..
انه الطغيان والاستبداد والقهر سيدي...
اصبحنا كثرة متهالكة مريضه ... متكدسين زي علب السردين في الكراتين...

كلامك صح
دمت بكل ود..
خال تحياتي

IbrahimGhanem said...

أنت مش بتوصف أعقاب سجاير ولا بني ادمين
أنت بتوصف مصريين بمزاجهم منتكسين

Mostafa Sa3eed said...

yad ya anas enta dma3'ak kol shwayya betfatta7 w 2arrabt mn mar7elet ennak teb2a btefham :)

7elwa mennak 3ala 2ad sennak, betmatta3na kol 7een w meen bel kasa2ed deh, en sa7 yet2al 3aleha kasa2ed lamo 2a7'za .

manet7ermsh mn el mail elzareef elly beybasharna bel 7agat el gedida.

by the way i know 4 sure meen "elly bey7ebbak geddan" as it is so obvious and no need to guess....mat3melsh 3abeet enta bas ya bolbol :)

A7eb mofaga2atak

أنس بن أيمن said...

إنت راجل جامد يا مصطفى.. مش قوي يعني.. بس بجد شغال.. في ناس مابيعجبهمش العجب، و لما حاجة تدخل دماغهم يبقى أكيد في منها أمل.. إوعى تكون فاكرني باقول إنك واحد من الناس دي، لأ كفى الله الشر..
و متعملش نفسك فلحوس.. أنا فعلاً مش عارف مين دة (او دي)؛؛؛؛

Eman Elba said...

7a2i2i assaret feya!! sob7an Allah ya3ni, bani sayedna Adam ywsal behom el 7aal l keda...sad..
sad, but true!

عمرو طموح said...

حلوة جدا يا أنس


و علي رأي اللي قال....

انت اكتشاف...

بس أنا بزود... لسه ماكتشفوهوش... هو اللي هيكتشف نفسه...

تحيات من أراضي مصرية... بها قرابة 80 مليون عقب سجاير