Friday, June 27, 2008

لا تنكسر


لا تبكي وسط الناس

داري قلبك و الإحساس

لا تنكسر

و لا تنقهر

و لا تكون للضعف مداس

خللي الدمعة جوه العين

لا تخلليها تشق طريقها

أو تفتحلك باب لحنين

لا تنطوي

خلليك قوي

خلليك دايماً في العايشين

و امسك و اشكُم و احكم روحك

داوي بصبرك كل جروحك

و وسط الزحمة لا تنهار

أو تستنى ييجي نهار

ممكن ييجي أو مايجيش

ممكن ضلمة فيها نعيش

ممكن تخسر.. ممكن تزهق

ممكن تتعب م المشوار

حتى الدنيا لو تنفجر

و إنت ف وِدك لو دمعتك

من فوق خدك راح تنهمر

لا تنكسر

حجَّر عينك و استمر

دا الدنيا دي غابة و احنا غلابة

و إيه جاب كتاكيت جنب ديابة

دا الدنيا دي دم و حرب و ساحة

مافيش للدمع فيها مساحة

مافيهاش عنوان للي انكسر...

لا تنكسر

16 comments:

yehia ashraf said...

masha2 allah i like it ya anas

yehia ashraf said...

masha2 allah i like it ya anas

أنس بن أيمن said...

mashy ya 3m... qeshta 3aleek

محمد رفعت said...

يخرب بيتك يا بني

أنس بن أيمن said...

ربنا يسامحك...

أهم حاجة الكيبورد

أيمن طلبة said...

جميلة يا أنس، لكن فيه بتين في الآخر مش عاجبيني لأن المعنى بتاعهم فيه استكانة وخضوع بينما المقطوعة كلها مقاومة وصمود: "دا الدنيا دي غابة و احنا غلابة

و إيه جاب كتاكيت جنب ديابة"
وما تحرمناش من كتاباتك
ربنا يحفظك ويرعاك
أبوك

Anonymous said...

فيه مثل أبويا كان دايماً يقوله .. "يا مقوى الوحش على الجحش"!!! وده بمناسبة الكتاكيت و الديابة..على اى حال لو كتكوت واحد نقر الديب فى عين أمه..تبقى يافت..ماشى يا كتكووووت؟؟
ملحوظة: عجبنى جدا التعليق" يخرب بيتك يابنى.."ده معدى خالص..وفيه تضاد قوى و معبر

أنس بن أيمن said...

شكراً يا حج أيمن...

,نورت يا أبو أدحمزة

Anonymous said...

where r u "ommy"..??
this is the first time to comment b4 u..
pls tammeneeny 3aleeki..
or 2 that extent u don't like the "katakeeet.."???
any how, katkoot fe 3ezz is better than deeb fil 7adeeqa..!!

Anonymous said...

bos ya atols ana hakleemak besara7a
heya 7elowa bas elly fat kan a7la bkteer
N.B
ell fat mish m3naha el t5een laken m3naha ell 2abl keda
w kol 2alsha w anta tayeeb
:)))

أنس بن أيمن said...

kisho... ana 3andy omneya nefsy tet7a2a2 2bl ma 2moot.... akeed enta 3reftaha.

w eshta 3al sara7a

Unknown said...

I liked it..bas as much as i really like the betein btou3:
دا الدنيا دي غابة و احنا غلابة
و إيه جاب كتاكيت جنب ديابة

i totally agree with your dad...msh mashya ma3a el ba2i..fag2a alabt ghalban west el ta7addi..heya realistic..bas lwa7daha keda...
i like:
ممكن تخسر.. ممكن تزهق
ممكن تتعب م المشوار
awi, 3ashan it shows en el 7ayah msh mozdahera ya3ni awel ma tenwi el ta7addi..

أنس بن أيمن said...

لأ دي فلسفة عالية جداً...

أنا مش أد الكلام الكبير دة... دا أنا غلبااااااان

Anonymous said...

كلا

سأقول كل ما بقلبي وكل ما تختزنه العيون
سأبكي عندها ....وسأتألم
نعم أعلم
ولكني أبدا لن أبقى أصما ... أبكم
لن أختبيء وأتلاشى ... في هذا الظل الأدهم
سأتكلم وسأخرج هذا الحلم ... حتى لو كان سكوتي أسلم
سأكسر خوفي والأغلال
سألقيهم خلفي ... ولن ألقي لهم بال

فدعوني
أحكي ... وأتكلم
أصرخ ... وأتألم
دعوني
أبكي
وسأتحمل
دعوا غضبي الثائر ... يتناثر
يتكاثر
ويعيث في قلبي الإفساد
ويدمر حلمي المرتاد
علّه يوقظني
على كابوس واقعي معتاد
.....
...
..
.
وسأتكلم




أنس بجد ما شاء الله وعلى فكرة أنا مش مصدق الكلام اللي انت قولته عليها
ربنا يوفقك يا ابني

أنس بن أيمن said...

هنا أرفع القبعة و البرنيطة و كل حاجة.....


ما شاء الله على ها الكلمات..

مش باقوللك، إعمل بلوج بقى

IG_Man said...

أنت بطيخة صيفي ما بتعرفش تشعر و مستواك كل يوم في النازل

أنصحك تقفل البلوج و تسرح بعربية كبده من الصبحية و تسمع شعبولا و هو بيقول هبطل السجاير و أبيع كبدة الحمار وهييييييييه