Saturday, February 21, 2009

وطن


يعني إيه كلمة وطن

كلمة وطن كلمة بحبِّك

فيها وشوش عايشة المحن

فيها القهاوي واللي ناوي

يقعد في شغله ياخد رشاوي

فيها اللي غاوي يقول حكاوي

فيها اللي ماشي بالمسطرة

و ناس كبيرة صغيَّرة

فيها القلوب الطيبة

و حاجات كتيرة قريبة

فيها الجناين و الكماين

و اللي قلبه غادر و خاين

فيها اللي فات لا عمره مات

و لا عمره خان الذكريات

فيها الحبيب أحسن طبيب

و أي كلمة تمس جرحك

لازم يطيب

فيها الإيدين تمسك في إيدك

في وقت زنقة و في وقت عيدك

فيها اللي رايق و اللي بايخ

و اللي في وسط الزحمة دايخ

فيها الناس بتقول يا ريت

و صوت الأدان لازم بيوصل

لكل حارة و كل بيت

فيها الحبايب و قلب دايب

فيها اللي غايب من سنين

فيها الكلام فيها السكوت

فيها القلوب زي الياقوت

فيها البشر زي الحجر

فيها الشمس ويا القمر

فيها الحروف فيها المعاني

و حاجات كتير مالهاش معاني

فيها إحساس غريب بالزمن

فيها إحساس جميل اتسجن

هي دي كلمة وطن

15 comments:

AHMED REDA said...

jst to be the 1st :)

الغربة عملت واجب معاك
حلوة بس مش أحلي منك يا
2olla

wb bro :) let's get to work ;)

Anonymous said...

اااااااا يا يعنى

انت عندك أحلى من كده بكتييييييييييير
فيها حاجات بكتييير شوفتها فى اللى قبل كده كتيييير
واضح ان الجو الصينى مش واكل معاك كتيييير
ومستنيك ترجع يا
كبييييييييييييير

أبو نضال said...

كلماتك جاية ع الجرح يا أنوس

رائعة

Anonymous said...

I am so proud that u r my nephew.. this one is UNBELIEVABLE..!!!!

Anonymous said...

GAMDA PEPE YA ATOLS
wa7shni w kalam el nas 7ayshny ya Anas
7ob 7yatak (KISHO)

yehia ashraf said...

في رأي احسن ما كتبت يا أنس. وحشت مصر انتا كمان :).
باقولك
أنا عايز اطلع جبل قريب.... سألت عن اصعب جبل في مصر و عايز اطلعه طحن

أنس بن أيمن said...

Abu Adhamza:
Kteer 3alayya keda wallahi..

Unknown said...

Howa dah Atols bta3 zaman... enta keda rge3t rasmy. Say3a a7'er 7aga w 2o2ayyed ennaha a7san 7aga katabtaha :)

a7eb al kalam lamma yetla3 men gowwa....awi

black_incubus said...

7mdella 3la el slama ya Anas
bgd gmda a5er 7aga

bas fi el awel keda kont 7ases enha maksora w mesh mawzona sa7

w b3deeen et3dlet tmam

msha2 allah ya anas rbna yewaf2ak ya bashaa :D
sus isA

Anonymous said...

so touching bgd...ana mesh 7aseeb masr khales:DDDD

Anonymous said...

Enta gamed awi walahy yad ya anas...fe3lan mn el a5er !!!!!

Anonymous said...

gamda taaaaaaaa7n ya Atols. msA gamda awy w fe3lan gaya 3al gar7. A7ebak ya Atols keda lamma tetmazeg w tekteb keda w 3ala ra2y Redz el 3'orba 3amalet ma3ak sho3'l

Anonymous said...

أنوس يا جامد لو كنت أعرف إن الصين حتعمل معاك كده كنتوزيت عليك من زمان تروح هناك.
كنت فاكره إني خلاص عمري ما حسمع من حد من الشباب يعني إيه كلمة وطن وعمري ما ححس منهم بالحنين والإنتماء والحب بجد .لحد ما جيت إنت وأبدعت صورا تعبيريه مشاعريه عميقه رائعة الجمال والإبداع لاتمس القلب فقط بلتخترقه في طريق ثابت حتي ترصخ بداخله متربعه علي عرش المشاعر والكلام .أحسنت وأبدعت يا حبيبي
يا ريت تشوف حد جميل كده زيك يلحنها وحد صوته قوي ودافيء يغنيها علشان يبقي عندنا غنوه جميله كده تحرك المشاعر زي ما شربتش من نيلها
عمتك: نزل بس الهمزه تحت وزود ي وا

IG_Man said...

رائعة يا أنس
بس اخر جزء فيها فلت منك شوية

فيها القلوب زي الياقوت

فيها البشر زي الحجر

فيها الشمس ويا القمر

فيها الحروف فيها المعاني

و حاجات كتير مالهاش معاني


الكلام ده مش راكب على بعضه بس النهاية كويسة

عايزين بقى شعر أتحف من كده كمان
عايزين نشوف ازاي ممكن تخلط الثقافة الصينية بالعراقة المصرية

Anonymous said...

أنا لم دققت هنا لفترة من الوقت منذ اعتقدت أنه كان الحصول على مملة ، ولكن قليلة هي آخر رسائل نوعية كبيرة لذا أعتقد سأضيف لكم مرة أخرى إلى عملي اليومي bloglist . أنك تستحق ذلك تحياتي صديق