Wednesday, April 08, 2009

المغربية


عدَّى النهار و المغربية وراه

و عشان نشوف الفجر من بعديها

هنعدِّي بحور من المأساة

هنشوف حاجات متانقضة بين بعضيها

و صوت قلوبنا مش ناسياه

و عشان نشوف الفجر جوه عنينا

هندوس في ضلمة و موت و حياة

و دموع حزينة بسمتنا بتخبيها

و قلوب كتير و ألف واحد تاه


عدَّى النهار واخد معاه الأشواق

سايب حنين و دمع ميت مشتاق

و صوتنا ينده... مايسمعهوش

عدَّى النهار واخد سكاتنا معاه

في المغربية لون حريقة بيترسم

عالمشربية و زخرفتها بتبتسم

بيقوللنا عالليل و جرحه

و إزاي في حزنه متداري فرحه

و إزاي في حضنه بنلاقي شوقنا

و إزاي قلوبنا بتستناه

و ييجي تاني نفس النهار

ما بين ألوان شعاع النار

و تيجي بعده المغربية

و تاني ندور كلنا وياه

7 comments:

Casper said...

ما شاء الله يا أنس عميقه جدااا
بجد جامده
""و دموع حزينة بسمتنا بتخبيها"" &""سايب حنين و دمع ميت مشتاق و صوتنا ينده... مايسمعهوش"""

ايه ده بجد الحتتتيين دول فوظااااع
استمر يا متألق
:)))

محمود زيدان-صيدا said...

ما شاء الله عنك أخي الحبيب أنس
كلمات عميقة وفكر نظيف ورسالة عظيمة تحملها في وتوصلها في كل قصيدة ومشاركة
حماك الله ورعاك وسدد للحق خطاك وزادك حكمة وإبداعا ونفعا لنفسك والآخرين

AHMED REDA said...

di 3agabtni ta7n u made me feel the hope in it
بيقوللنا عالليل و جرحه

و إزاي في حزنه متداري فرحه

و إزاي في حضنه بنلاقي شوقنا

و إزاي قلوبنا بتستناه

black_incubus said...

gamda awey ya 2noos w malyana shagan gameel
el e7sas gamed w mtwasel twal el klam w da gamed w el afla 7elwa aawey :D

keep it up :D

Mostafa Sa3eed said...

I don't like to say it, but I agree with Reda en elbeitin dol; gamdin awy. I think this one of the few times I agree with u Redz ;)

I like also the ideas u presented especially the overall idea of talking about "el 3'oroob" w mesh eleil aw elsob7 wel elfagr elly kol elnas betkallem 3anhom.

However, 7ases en elwazn w e7'tyar el kalemat msh mn a7san el7agat elly 3amaltaha.

Sibak mn elkalam dah kollo ba2a, aktar 7aga 3agbany enny 7ases en elelham rege3lak tany like when u started this blog. I am really happy about that.

Mostafa Sa3eed

AHMED REDA said...

eshta ya Most..el mohem en e7na so7ab :) hahaa mesh mohem netf2 b2a ;)

Yasser Ashraf said...

man that was real good. fe3lan it's really good. w feh eshraq aktar shewaya men the previous one. el amal feha a7san bkter. I liked it bas I didn't like the fact that I wasn't noticed about it. I saw it sodfatan keda qarart ashof keda a5er a5barak. bas keep it up.