Tuesday, October 30, 2007

قبل الشروق


صحيني الساعة خمسة

أصل المنبه بتاعي مكسور

صحيني قبل الشمس ما تصحى..

قبل كل الناس ما تصحى

نفسي أشوف شكل الدنيا من غير نور.

أكيد هيّ أحلى..

و الخير بيها أولى..

من كل شر مستطير.

الصُّبح كل حاجة بتبان.

آدي الغني و أهو الغلبان.

و آدي اللي واقف في الطابور.

ما فيش حاجة بتستخبَّة.

كله على الأرض ف حجم حبَّة..

و كله ف دايرته بيدُور.

إللي عايز يقول بيقول.

و إللي ساكت ساكت.

عمره ما قال و لا هيقول.

الحرامي إتمسك.

و آدي إللي حقه إتهتك.

و آدي إللي حاله مستور.

صَدَق إللي قال من زمان..

كله مكشوف في النور.

2 comments:

يوميات عيل مصري said...

تصدق بالله يا أنوس، انا عندي تصوير لحلقة الآن في الجزيرة عن الخرائط الذهنية، وفي منتهى التركيز، وفجأة جه الميل بتاعك.. كاني لقيت لقية.. كنت متأكد إني هلاقي حاجة حلوة.. تسلم ايديك، انت بتتكلم من جواك أوي، مش عاوز اقولك اكتب على طول، لأن الكتابات اللي بالشكل ده مش بتطلب، بس عاوز اقولك كل ما يجيلك احساس بالشكل ده، طلعه فورا، على ورقة على كيبورد المهم ما تضعيش الفرصة.. بس نصيحة من اخ أكبر، أوعى تحاول تولد المشاعر من غير ما تكون موجودة، عشان ساعتها بتكون مشوهة أوي..يا أخي تسلم ايديك اللي كتبت الكلام الحلو ده، وإن شاء الله هتخليني أصلح المنبه، أصل أنا زيك
أنا مش عاشق ضلمة...ولا زعلت الضي

CASPER said...

TAMMAM BUT WE MUST FACE OUR REALITY