Sunday, November 04, 2007

ما تفتييييش


لو سمحت..

هو الطريق منين؟

شمال أو يمين؟

أطلع فوق يا عم

ولَّا أنزل تحت؟

آه ما أنا رُحت الشارع ده

بس كان مسدود

كان فيه ناس دموعها واقفة عالخدود

..طب أَلِف الميدان؟

لأ ده باينلُه نفس المكان.

أنا شاكلي تايه.

بَلِف ف دواير.

و كل خطوة بامشيها..

بتزيد في الخساير.

.. طب حد معاه خريطة؟

إنت عارف؟.. ولّا بتزيط في الزيطة؟

ما بحبش إللي بيفتي.

كفاية هموم شايلها..

كفاية أحزان على كتفي.

ده أنا بس كل إللي عايزه.. لقمة عيش.

و أي حد يدلّني.. يا ريت ما يفتيش.

7 comments:

أبو نضال said...

همممممممممم معانى جميلة بس الصراحة مش مستواك يا أنوس، حاول تنقى كلماتك أكتر شوية، بس بجد معنى جميل

فى انتظار مزيد من ابداعاتك يا أُنْس :)

يوميات عيل مصري said...

أوعى تنقي كلماتك، معلش يابو نضال يا حبيبي، وأبوس على دماغك علشان ما تزعلش، بس لو نقى كلماته، يعني بيعمل فلتر لوجدانه، سيبه الجدع على راحة راحت، مش عاوز فلاتر لغاية الناس كلها ما تتكلم براحتها، وعلى راحتها.
أنوس.. استمر في البوح الوجداني.. أصل الحكاية عاوزة الناس كلها تبوح وتبوح وتبوح

REDZ said...

7elwa anaz it's one of ur best bgd

يوميات عيل مصري said...

هو التعليق بتاعي الأولاني اتمسح ليه؟

أنس بن أيمن said...

matmasa7sh.. howwa 3'aleban 2slan mat7atesh.

mostafa sa3eed said...

CONGRATULATIONS, enta ebtadet t3abbar 3n masr ya anas :)
good choice to start with.. kammel elmeshwar ya ba6al..masr me7taga amsalak

a7eb kalamak.

CASPER said...

قشطة يا مفتى