غريب الأطوار

غريب الأطوار
زهقت منى و من كلامي اللي انكتب
يتحرق الورق و دمعي اللي انسكب
حبر القلم شفاف منه المعاني اختفت
عرق الألم دساس منه الجراح اكتفت
زهق البدن و مل اللسان
شاب الدماغ و قِدِم المكان
كل الناس اتحركت و أنا واقف ويا الزمان
مستني إيه مستني اللي كان
مع إن اللي هيكون عمره ما كان
جف الدمع جوه العيون
العقل عندي أصبح جنون
لأني خايف من اللي هيكون
ده اللي كان و هيكون كلله مكتوب
مشكلتك إنت مش عايز تشوف
فك الحصار و امض في طريق
طويل مليان صعوبة و ضيق
كون فيه لنفسك أقرب صديق
من غير ما تسأل أي عبد شيء
كون لباب النور دليل

هاه, شِفِيت ولا قلبك عليل؟