إ حلم

إ حلم
إحلم و خلي الحلم يحلم
ده حلمك هو سر الحياة
دة حلمك ممكن يزيل الهم
و لدنيا تانية ياخدنا معاه
عيش في دنيا ما فيهاش إلا حلمك
تبص تلاقي حلمك معاك
حلمك يكون بيته في قلبك
و بيتك في قلبه و عايش هواك
أصل إللي مات مات عشان حلمه
نصيبه ما كانش زي إللي كان
أصبح حلمه فوق طاقته و حمله
فسابه و غاب و غار عليه الزمان
حلمك هو إنت مهما العمر طال
مهما الناس قالولك و مهما اليأس قال
مهما تعبت من المشوار
واشتد و حاربك التيار
إوعى تسيب في لحظة حلمك
دة حلمك حارس و فارس مغوار...