Sunday, March 11, 2007



حال قلبك
إسمع صوتي الحزين و الآه
و قلبي الانفطر و تعبني معاه
ماشي وسط الناس
بس لوحدي
في بحر فكري
عايش جوه سري
ويَّا أغرب إحساس
دوشة من حواليَّ
كإني دنيا تانية
ساكتة مافيهاش إللا أنا
و ألامي اللي فيَّ
مين مرة حس بيَّ؟
و بص جوة عنيَّ
مين شاف جوة قلبي
و جس نبض حبي
ماتقولش إنك شايفني
ولا في يوم أبداً عارفني
ما تقولش إنك عارف و حاسس
باللي مصحّي جفني
و لما وشي بيبتسم
و الضحكة عليا ترتسم
و اخلّي كل الناس
الفرحة عليهم تتقسم
بيكون قلبي بعيد
في حتة مافيهاش كلام
في حتة وسط الظلام
وسط قلوب من حديد
وسط غابة هي الحياة
وسط مليون ألف آه
غير كل الناس ما شايفاه
و أبدأ أضحك من جديد

3 comments:

عمرو طموح said...

هممم....

طب ما تشوف دكتور يابني...
:)
جميل، بس حسيت فيه بأحاسيس سلبية شوية.. وللا انت شايف ايه؟

Anonymous said...

Why is this confusion, sadness and animosity? Look deep inside and find why. Happines always shine from inside-out.

Anonymous said...

amazing expression of feelings.it is always a good thing to say wahtever you feel. sometimes one needs to ask and analyze. other times it is better just to expresssssssssssss. i wish i can express my feelings in such a nice way.