Wednesday, November 14, 2007

حدوتة


بِندُور في حواريها

من حدوتة لحدوتة...

قصص ف قلوبنا منحوتة.

ما هي أصل الدنيا صغيَّرة.

مين كان يقول إن دروبنا هتلتقي..؟

بقالنا كتير.. و آدي القَدَر

زي إمبارح كنا تحت المطر.

و آدي الحياة..

دارت الدنيا و رجعنا لبعضنا..

و آدي حضن الحياة بيضمنا

أنا كنت فاكرك طول السنين

شكلك ما كانش واضح في ذهني..

بس لو شفتك هعرفك بين ملايين.

و لو شفتك ماقدرش أكلمك.

و مش هاقرَّب..

يدوب علي قلبي يرسمك.

ياه.. بقالنا قد إيه!

عشَر سنين؟

يمكن أكتر..

بس إنت زي ما إنت.

بس يمكن بقيتي أكبر.

يمكن بقيتي أَدرَى بدورة الحياة

يمكن عرفتي أكتر باللي كل واحد أساه.

و عرفتي برضه إن لقانا مش دليل على شئ

ممكن بكرة نفترق و نضل الطريق.

و حان وقت الوداع.

في سكوت..

مالهوش أي صوت..

و لا بالكلام..

ولا بالعيون..

ولا بالدموع.

و ممكن مايكونش أصلاً وداع..

ولا كان في لُقا..

و لا كان في أي شئ..

إلا ذكرَى..

و توتة توتة.

7 comments:

Anonymous said...

eh ya 3am da ana msh fahem 7aga
B.O.D.A

Anonymous said...

ممكن حبة تركيز لو سمحت:)
عايزين نفهم وبس
إيه الحكاية اللي قبل ما تبتدي راحت تنتهي
والكل قاعد منتظر
حبة كلام بيتفهم
ويترسم
من غير ما يجرح قلب حد
يمكن نركز كلنا ونفهم اللي مفهموش أي حد
والسلام

Ahmad. M. Ali said...

سلام يا حاج انس

بص يا سيدي بقى انا كل ما اكتب تعليق .. وبعد ما اعمل نشر

الموقع يطلع لوحده وتفضل النت شغالة.. اي الحكاية .. ابعتلك التعليقات ع الميل وتنشرها براحتك

بس ساعات التعليق بيبقى عامل زي الوجدان الواحد بيجيلوه التعليق مرة واحدة

على العموم

القصيدة الأخيرة تحفة كالعادة، انت عامل زي كل اللي بيدرورا ع الحقيقية .. ويجرو يمين وشمال .. وكل اللي دوروا ع الحقيقة عملوا كده من أول سيدنا ابراهيم

على العموم .. طول ما انت بتدور .. هتلاقي .. بس أوعى تفقد روحك الجميلة دي

تحياتي ليك على الكلام الجميل

أحمد

أنس بن أيمن said...

يا حاج بودا.. مبدأياً كدة أنا بانشرح لما بشوف إلتعليقات بتعتك. و بعدين مش لازم تفهم حاجة.. ممكن يكون هدف القصيدة إن إنت ما تفهمهاش.. و ممكن مايكونش دة هدفها.. يعني مالآخر كدة.. بيس يا مان

أبو نضال said...

بعد جهد جهيد...اللى وصلتلوا انك بتتكلم على مصر...

هذا و الله أعلم...

مممممممم

جميلة ما شاء الله

بس بالراحة على دماغنا شوية :)))

أنس بن أيمن said...

يا أبو نضال... لو إنت شايفها كدة.. يبقى هيّ كدة؛؛؛

CASPER said...

NICE
كل واحدعاشها بشكل مختلف بس اكيد عاشها وكل يغنى على ليلاه