Tuesday, November 20, 2007

أحلام الطفولة


و احنا صغيرين قالولنا نعيش في الخيال

ما احنا مش فاهمين..

يعني.. لسة عيال.

عادي نحلم و عادي نسأل..

ما كانش فيه شئ محال.

و كبرنا.

و بقى عندنا عشرين سنة..

و شفنا الدنيا فيها الهنا.

فيها الكناس و الشيّال..

فيها المحتال

فيها الفارس و الخيال.

و ناس نايمة و ناس ماشية..

فيها ناس تايهة و ناس راسية.

و موتيسيكلاااات..

و نااااس...

و عربيات ماشية في الحارة اليمين..

و فجأة تكسر شمال.

فيها بتتحطم الآمال.

و ناس غرقانة ف دم و عرق..

و غصب عنها علشان تعيش..

ضميرها اتسرق.

و كل واحد متحيّر.

كل يوم بحالة و متغيّر.

صحيح الدنيا حلوة..

بس يا ريتني فضلت صغيّر.

18 comments:

REDZ said...

mashaa allah ya Anas this one is amazing. bas i believe it's better not stay sogher so i can make the changes i wanna see in real life not only in my dreams. salam ya akhi

يوميات عيل مصري said...

تجربة احط التعليق ده لو اتنشر هاكتب تعليق بجد

يوميات عيل مصري said...

حلو اوي
يا عم أنس كلامك جامد جدا وبيوجع وييجي على الجرح
بس عشان يطبطب عليه.
تسلم ايديك .. واكتب لغاية ما تحس انك عاوز تكتب تانب وتاني
صباح الفل على عيونك

أنس بن أيمن said...

شكراً جزيلاً يا أستاذ أحمد... تعليقاتك هيّ اللي بتخليني أكتب أكتر...

Mostafa sa3eed said...

belra3'm men en sa3at kteer el faty bta3ak mayetfehemsh,
bas sa3at bardo bte2lesh mennak w bettalla3 dorar.

a7eb dma3'ak

Anonymous said...

أما هذه فجميلة حقاً ولولا هذا البيت لكانت مية مية:
فيها بتتحطم الآمال.

أقترح أن يكون:
فيها بتتحطم آمال
فكدة يتوزن البيت وكمان الدماغ
سلمت يداك والسلام
محب

Anonymous said...

نسيت أقولك يا عم أنس إن كل سن وله جماله، له آلامه وطموحاته، ولذا نهينا عن أن نقول لو أنا كنا كذا لصار كذا، فعش سنك وأيامك وكن عمرك لا عمر غيرك، المهم أن يكون هذا العمر حيرا ونوراً ورحمة ولا يكون شراُ وإثماً
والسلام
محب

أنس بن أيمن said...

Mostafa Sa3eed: Ana mondahesh en enta lessa fakerny 2w faker el blog bta3y.. msh moshkela.. w shokran 3ala 3'alastak.

أنس بن أيمن said...

جزاك الله خيراً يا "محب".. بس تمشي برضه:
فيها بتتحطم الآمال
لو إتقالت صح... عموماً إنت أدرى... إنت مين بقى؟

Aboubakr said...

Very nice
Keep it up :D

عمرو طموح said...


تصدق يا أنس

ساعات بيجيلي نفس الإحساس ده

يا ريتني فضلت صغير

بالذات في لحظات الهم و الغم (زي دلوقتي كده)و الخنقة من حياة المسئولية ... الشعور بالظلم.. القهر والاستبداد.. العالم الغريب.. الحيرة و القلق.. الخوف من المجهول و المعلوم و الخوف من المستقبل...

بس لما بهدي و أفكر شوية...

بستوعب إنه هو ده معني الحياة...

إننا نعيش كده فعلا..

و من غير المشي في الطريق ده

بحلوه و مره

بكل وقعة فيه

و كل نهضة فيه

و تعبنا عشان هدف و رسالة فيه

مش هنحس بسعادة النجاح.. في اختبار
الحياة

و أظن هو ده اللي بيفرقنا عن حياة الطفولة

و هو ده معني الحياة

وللا انت شايف ايه

خالد أبوالفضل said...

جميييييييييييلة
روووووووووووووعة
بس أنا بصراحة مبسوط إني كبير (مش كبير أوي يعني) ومحبش إني كنت أبقي صغير
عارف ليه ؟؟؟
عشان إني أعيش في واقع متنيل بستين نيلة وأحاول أغيره أو حتي محاولش أحسن كتيييييييييير إني أفضل طول حياتي عايش في وهم .
ببساطة عشان أفرق عن المجنون اللي عمل لنفسه واقع في خياله وعاش فيه .. أخد إيه ؟؟
الناس ضحكت عليه
مرة تانية أحييك علي البتاعة الجامدة دي
ومعلش سامحني أصلي بحب التنظير أوي
أزهري بقي .. هتعمل إييييييه ؟؟
والمصيبة الأكبر إني في كلية طب .. أكبر مستوطنة تنظيرية في التعليم الواقع تحت احتلال العقول المتخلفة
سلاااااااااااام

أخوكم
خالد أبوالفضل
el-aseef.blogspot.com
ibnelwalid@hotmail.com

أبو نضال said...

جميلة يا أنوس ما شاء الله

عموما أنا كنت هكتب حاجة شبه اللى طموح كتبها بس هو سبقنى

أنس بن أيمن said...

خالد أبو الفضل؛؛
أنا أكثر من مبسوط إنك أخيراً طليت عليّ... دة شرف ضخم.. شكراً على كلامك و تعليقك إللي أنا فعلاً بقدرهم جداً... لأنك ما تعرفش أنا بحبك قد إيه.

أنس بن أيمن said...

عمرو طموح.. لما بشوف إسمك في التعليقات بأقف إحتراماً و تبجيلاً للإنت كاتبه.. ومن كتر الهيبة ما بقراهوش... لأ بهزر.. ما بقراهوش عشان ممل... يا عم بهزر.. بقراه طبعاً يا شقيق

Anonymous said...

the most touching thing is that you always think of everybody else,you always have a space in your heart for others.may Allah fill your heart with happiness.ommy

mostafa sa3eed said...

3ar 3aleek ya anas ya ibn ayman t2ool 3alayya nasik. ana mabafawwetsh kasida wa7da men beto3ak and i read them once i see ur mail.
enta 3aref ya3ny ya uns ana ba3ez 2alshak ad eih...

a7eb el2alsh

CASPER said...

TAMMAM GIDAN
انت بتعبر كتير عن حاجات جوايا مبعرفش اعبر عنها